Գլխավոր
Կապ
ՀԱՅԱՍՏԱՆԻ ՀԱՇՎԱՊԱՀՆԵՐԻ ԵՎ ԱՈՒԴԻՏՈՐՆԵՐԻ ԱՍՈՑԻԱՑԻԱ
Հայերեն
Հայերեն
English
Նորություններ
Միջազգային համագործակցություն
Դեկտեմբեր 21, 2021

Սույն թվականի դեկտեմբերի 9-ին Հայաստանի աուդիտորների և փորձագետ հաշվապահների պալատի նախագահ Թաթուլ Մովսիսյանը ստորագրեց միջազգային համագործակցության երկու համաձայնագիր՝ միտված ոլորտում ԵԱՏՄ և ԱՊՀ երկրների մասնագիտացված կազմակերպությունների  ջանքերը համատեղող երկու կառույցների ստեղծմանը, որոնց գործունեությունը նպատակաուղղված կլինի համաձայնագրի շրջանակներում կարգավորման անհրաժեշտություն ունեցող խնդիրների լուծմանը և արդյունավետ համագործակցության արդյունքում մասնագիտության զարգացմանն ու առաջընթացին։

1․Համաձայնագիր հաշվապահների և աուդիտորների Եվրասիական խումբ ստեղծելու մասին

Կառույցը, որը միավորում է ԱՊՀ  երկրների 10 գործող մասնագիտացված կառույցների,  ձգտում է դառնալ ՀՄԴ ցանցային անդամ։ Հիմնական նպատակն է մասնագիտության առջև ծառացած խնդիրների համատեղ լուծումը, միջազգային ստանդարտների մշակումը, դրանց նախագծերի քննարկումը, թարգմանությունը, կլոր սեղանների, կոնֆերանսների, սիմպոզիումների և նմանատիպ այլ միջոցառումների կազմակերպումը։

2․Համաձայնագիր Եվրասիական տնտեսական միության աուդիտորների կոնսուլտացիոն խորհուրդ (խորհրդատվական մարմին) ստեղծելու մասին

Խորհուրդը միավորում է ԵԱՏՄ երկրների մասնագիտացված կառույցներին, հիմնական նպատակը մասնակից կազմակերպությունների աուդիտորական գործունեության հետ կապված իրավունքների և օրինական շահերի պաշտպանությունն է, 2023 թվականին աուդիտորական միասնական շուկա մուտքով պայմանավորված՝ մասնագիտացված կառույցների առջև ծառացող խնդիրների լուծումը, աուդիտորական ծառայությունների շուկայի ընդլայնման համար պայմանների ստեղծումը։

Կից Ձեզ է ներկայացվում Համաձայնագրերը`  դրանցում ամրագրված խնդիրներին և նպատակներին առավել հանգամանորեն ծանոթանալու նպատակով և համոզումով, որ համագործակցության  շրջանակներում Ձեր շահերը պաշտպանված, ակնկալիքները  իրականացված կլինեն։

 

Փոխարժեք | 29/06/2022
USD
487.50
GBP
629.90
EUR
551.07
RUB
7.36